سيبك من اللي ماتوا في التحرير
و سيبك من اللي اتصابوا في التحرير
و سيبك من المليون اللي نازلوا في التحرير
و سيبك من اللي بقالهم يومان بيموتوا في التحرير
و سيبك من الشعب اللي طلع بيحب مبارك من غير ما يعرف
وسيبك من الانجازات اللي اتحققت
و سيبك من الناس اللي ظهرت علي حقيقتها
وسيبك من الناس اللي تايها ومش عارفه مين مع مين
وسيبك من الشعب يريد اسقاط النظام لشعب يريد ابقاء الرئيس
عندي كلمه محشوره للريس ونفسي اقولها بقالي يومان وماسك نفسي
بصراحه " كيفتني " ومحدش يفهمني غلط
:))
انا طول عمري احب اللعبه الحلوه
طلعت صايع اخر حاجه بجد والله , وهنا انا مقصدش حاجه وحشه لسمح الله انا أقصد
انك جامد ومعلم يا معلم
ولما اتفرجت ع الناس امبارح واكتشفت اننا طلعنا مخبين علي بعض اننا بنحبه !
افتكرت علي طول مسرحيه الزعيم لما عادل امام قال
يخرب بيت اللى بيكرهو
ويخرب بيت اللى بيحبه وهو جواه بيكره
و يخرب بيت اللى بيحبه وهو جواه بيحبه وفى واحد جمبه بيكرهووو
اللهم اخرب بيتنا احنا شيخ
طبعا مع الإعتزار للمصريين ..... ماشيها " الطيبين " أحسن
ما بين الجهل و المصالح و العاطفه والساذجه تنتهي الثورات
ليست هناك تعليقات:
إرسال تعليق